Արամեն, Արսեն Գրիգորյանը, Կամո Սեյրանյանը՝ քանաքեռցի քրեական հեղինակություն Տույի դատին. armtimes.com
armtimes.com-ի փոխանցմամբ՝ այսօր Կենտրոն եւ Նորք Մարաշ վարչական շրջանների ընդհանուր իրավասության դատարանում շարունակվեց քանաքեռցի քրեական հեղինակություն Արթուր Ղազարյանի՝ Տույի գործով դատական նիստը: Մեր թղթակիցը հայտնում է, որ Տույին սատարելու էին եկել նրա հարազատներն ու բարեկամները, ինչպես նաեւ հայտնի երգիչներ Արամեն, Արսեն Գրիգորյանը (Ասո) եւ դուդուկահար Կամո Սեյրանյանը:
Մինչ նիստի մեկնարկը ներկաները կատակով նշում էին, որ այսօրվա նիստին միայն Նունե Եսայանն է պակասում: Իսկ Արսեն Գրիգորյանն էլ նշեց, որ եթե արդարություն կա՝ ապա բոլորով գնալու են «զալ» (սրահ՝ Արթուր Ղազարյանի ազատությունը տոնելու-խմբ.):
Կայքի փոխանցմամբ՝ Տույը դատարանի դահլիճ էր եկել բարձր տրամադրությամբ: Այսօրվա նիստի ընթացքում նրա պաշտպան Երեմ Սարգսյանը հանդես եկավ պաշտպանական ճառով, խնդրելով դատարանին Արթուր Ղազարյանի նկատմամբ նշանակել նվազագույն պատիժ, այն պայմանականորեն չկիրառել եւ սահմանել փորձաշրջան: Նա նաեւ նշեց մի շարք մեղմացնող հանգամանքներ՝ այդ թվում Արթուր Ղազարյանի առողջացնող վիճակը:
Ամբողջությամբ՝ սկզբնաղբյուր կայքում:
