Վթար՝ Սևան քաղաքում
Հոկտեմբերի 1-ին, ժամը 23.34-ին տեղեկություն է ստացվել, որ Գեղարքունիքի մարզի Սևան քաղաքի շուկայի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «BMW 318» մակնիշի 35 OT 264 պետհամարանիշով (վարորդ` 1991 թ. ծնված Գ. Խ.) ավտոմեքենան դուրս է եկել ավտոճանապարհի երթևեկելի հատվածից և բախվել Նաիրյան փողոցի թիվ 148 շենքի պատին:
Հրշեջ-փրկարարները ավտոմեքենայից դուրս են բերել Գ. Խ.-ին, ով տարբեր աստիճանի մարնական վնասվածքներով հոսպիտալացվել Սևանի ԲԿ:
Բժիշկները տուժածի առողջական վիճակը գնահատել են միջին ծանրության:
Հրշեջ-փրկարարները հոսանքազրկել են ավտոմեքենան և փակել գազի փականը:
