Վթար՝ Վարդենիս-Երևան ավտոճանապարհին
Սեպտեմբերի 30-ին, ժամը 23.24-ին ահազանգ է ստացվել, որ Գեղարքունիքի մարզի Տորֆավան գյուղում տեղի ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-11 ավտոճանապարհի Վարդենիս-Երևան հատվածի 7-րդ կմ-ում բախվել են «ԳԱԶել» մակնիշի 63 OL 205 պ/հ բեռնատար (վարորդ Կ. Գ.) և «ՎԱԶ 2106» մակնիշի 34 SV 292 պ/հ (վարորդ Գ. Մ.) ավտոմեքենաները:
Մինչ հրշեջ-փրկարարների կանչի վայր հասնելը` Գ. Մ.-ը տեղափոխվել է հիվանդանոց:
Բժիշկները տուժածի առողջական վիճակը գնահատել են ծանր:
«ԳԱԶել» մակնիշի ավտոմեքենայի վարորդ Կ. Գ.-ը և ուղևոր Ա. Ա.-ը տեղում ստանալով բուժօգնություն` հրաժարվել են հոսպիտալացումից:
Հրշեջ-փրկարարները հոսանքազրկել են ավտոմեքենաները և փակել գազի բալոնների փականները:
