Թուրքիայի ծովափին 4-ամյա սիրիացի աղջկա դի է հայտնաբերվել
Թուրքիայի առափնյա ոստիկանությունը հայտնաբերել է 4 տարեկան սիրիացի աղջկա մարմին, ով կարող էր լինել սեպտեմբերի 15-ին փախստականների տեղափոխող նավի ուղևորներից մեկը: Հիշեցնենք, որ նավը խորտակվել էր, հայտնում է Anadolu գործակալությունը:
Գործակալության տվյալով՝ երեխայի մարմինը հայտնաբերվել է Իզմիր նահանգի լողափին՝ հանրապետության արևմուտքում:
Հիշեցնենք, որ անցած երեքշաբթի Միջերկրական ծովում խեղդվեց 22 անօրինական ներգաղթյալ, ովքեր ուղևորվում էին Հունաստան: Զոհերի թվում կար 4 երեխա: Թուրքիայի առափնյա ոստիկանությունը ջրից դուրս էր բերել 211 մարդու:
Փայտե, 20 մետրանոց նավում գտնվել է մոտ 250 փախստական:
ՄԱԿ-ի տվյալով՝ տարեսկզբից Միջերկրական ծովում զոհվել կամ անհետ կորել է մոտ 2500 փախստական՝ փորձելով հասնել Եվրոպա:
