Էլթոն Ջոնը պատմել է Պուտինի հետ ունեցած հեռախոսազրույցի մասին
Բրիտանացի երգիչ Էլթոն Ջոնը Instagram-ում հայտարարել է, որ իրեն զանգահարել է Ռուսաստանի նախագահ Վլադիմիր Պուտինն այն բանից հետո, երբ ինքը ցանկություն էր հայտնել անձամբ հանդիպել Պուտինի հետ ու քննարկել ԼԳԲՏ-հանրության ներկայացուցիչներին առնչվող խնդիրները, հայտնում է LifeNews-ը:
«Շնորհակալություն նախագահ Վլադիմիր Պուտինին այն բանի համար, որ նա այսօր ինձ զանգահարեց ու խոսեց հեռախոսով: Սպասում եմ ձեզ հետ դեմ առ դեմ հանդիպմանը, որպեսզի քննարկենք ԼԳԲՏ-ներկայացուցիչների հավասարության հարցերը»,- Instagram-ում գրել է երգիչը:
Այլ մանրամասներ Էլթոն Ջոնը չի հայտնել:
