ՄԱԳԱՏԷ-ի ղեկավարը մոտ ժամանակներս կայցելի Իրան
ՄԱԳԱՏԷ-ի ղեկավար Յուկիա Ամանոն մոտ ժամանակներս կայցելի Իրան: Այս մասին հայտարարել է Իրանի ատոմային էներգիայի կազմակերպության ղեկավար Ալի Աքբար Սալեհին, հայտնում է իրանական ISNA գործակալությունը:
Նրա խոսքով՝ ՄԱԳԱՏԷ-ի մի քանի փորձագետ արդեն ժամանել է Իրան:
Ավելի վաղ, հանդես գալով ՄԱԳԱՏԷ-ի 59-րդ գլխավոր համաժողովում, Սալեհին հայտարարել էր, թե Իրանը հաստատում է իր պատրաստակամությունը՝ իրականացնել «վեցյակի» առաջ ստանձնած իր պարտավորությունները միջուկային ծրագրի հարցով:
