Քորթնի Քարդաշյանի նախկին ամուսինը սիրավեպ է սկսել նրա ընկերուհու հետ
Քարդաշյան ընտանիքին մոտ կանգնած քաջատեղյակ աղբյուրները նշում են, որ Քորթնի Քարդաշյանի նախկին ամուսինը՝ Սքոթ Դիսիքը, սիրավեպ է սկսել Քորթնիի ընկերուհու՝ Քիմբերլի Ստյուարտի՝ Ռոդ Ստյուարտի դստեր հետ, գրում է spletnik.ru-ն:
Անգամ տեղեկություն կա նրանց ժամադրության հստակ օրվա մասին՝ օգոստոսի 26-ի գիշերը՝ Քիմբերլիի եղբոր՝ Շոնի ծննդյան տոնակատարությունից հետո:
Ականատեսները հայտնում են, որ հենց որ Սքոթը ժամանել է տոնին, միանգամից գնացել է Քիմբերլիի մոտ, նստել է նրա կողքին ու գրկել նրան:
Ոչ ոք չգիտի, թե երբ է սկսվել այդ սիրավեպը: Ասում են՝ հենց խոսակցություններ են սկսել պտտվել, Քիմբերլին առաջարկել է դադար տալ հարաբերություններին, ու զույգը բաժանվել է: Հիմա Դիսիքը մտավախություններ ունի, որ կորցրել է Քորթնիի հետ միանալու վերջին հնարավորությունը:
Ընդ որում, Քիմբերլիի պաշտոնական ներկայացուցիչն ամեն ինչ ժխտում է:
Հիշեցնենք, որ Քորթնի Քարդաշյանը բաժանվել է Սքոթից այս հուլիսին՝ միասին անցկացրած 10 տարուց հետո: Զույգն ունի 3 երեխա՝ 1 դուստր ու 2 որդի:
