Կալիֆոռնիայում ուժեղ հրդեհների հետևանքով տարհանում է հայտարարվել
Կալիֆոռնիայի իշխանությունները անտառային հրդեհների պատճառով հայտարարել են Սան-Անդրեաս քաղաքի բնակիչների տարհանման մասին, հայտնում է BBC-ի ռուսական ծառայությունը:
Կալիֆոռնիայի նահանգապետ Ջերրի Բրաունի խոսքով՝ քաղաքում, որտեղ բնակվում է 2,7 մարդ, արտակարգ դրություն է հայտարարվել:
Իշխանությունները նախազգուշացնում են, որ կրակը ներկայում գտնվում է քաղաքից 5 մղոն հեռավորության վրա: Ոստիկանները այցելում են բնակիչների տներն ու նրանց բացատրում հեռանալու անհրաժեշտությունը:
Տեղի ԶԼՄ-ների տվյալով՝ անցած գիշեր հրդեհի մակերեսը ավելացել է կրկնակի՝ հասնելով 13 հազար հա-ի:
Մոտ 500 հրշեջ փորձում է կասեցնել կրակի տարածումը: Նախնական տեղեկությունների համաձայն՝ հաջողվել է տեղայնացնել կրակով բռնկված տարածքների ընդամենը 10%-ը:
Կրակի տարածմանը նպաստում է ուժեղ քամին ու օդի բարձր ջերմաստիճանը:
