Օբաման Ալյասկայի դպրոցներից մեկում աշակերտների հետ բնիկների պարն է պարում
ԱՄՆ նախագահ Բարաք Օբաման պարել է Ալյասկայի ժողովուրդների պարը, հայտնում է ABC News-ը:
ԱՄՆ նախագահը Ալյասկա կատարած իր եռօրյա այցի վերջին օրն այցելել էր Դիլլինգհեմ քաղաքի դպրոց: Տեղի աշակերտների ելույթը կազմված է եղել ազգային պարերից ու երգերից: Մի քանի պարային համարներից հետո երեխաներին է միացել նաև Օբաման:
Ավարտելով պարը՝ Օբաման հայտարարել է, որ պատրաստվում է Ալյասկա բերել Միշելին (Օբամա) ու իր աղջիկներին:
«Իսկ մինչ այդ մենք կվայելենք ձուկը, որը դուք մեզ տրամադրել եք: Ես արդեն լաչին ձուկ կերել եմ: Այն իսկապես համեղ էր»,- հավելել է Օբաման:
Նա հայտարարել է, որ երջանիկ է Ալյասկայում գտնվելով:
«Մենք ձեզնով շատ ենք հպարտանում»,- ասել է նա՝ դիմելով երիտասարդներին:
