ՀՔԾ պետը տեղեկությունները պետական և ծառայողական գաղտնիքի շարքը դասելու լիազորություն ստացավ
Կառավարությունը տեղեկությունները պետական և ծառայողական գաղտնիքի շարքը դասելու լիազորություններով օժտված պետական մարմինների պաշտոնատար անձանց ցանկում ներառել է ՀՀ հատուկ քննչական ծառայության պետին: Որոշումն ընդունվել է ՀՀ կառավարության այսօրվա նիստում։
Նշենք, որ ՀՀ հատուկ քննչական ծառայությունը կազմավորվել է 2007 թվականի նոյեմբերի 28-ին՝ «Հատուկ քննչական ծառայության մասին» ՀՀ օրենքի ընդունմամբ, որը նույն թվականի նոյեմբերի 30-ին վավերացրել է ՀՀ Նախագահը:
ՀՔԾ պետն այժմ Վահրամ Շահինյանն է։
