Պենտագոնը մտադիր է Ուկրաինային ռադիոտեղորոշիչ կայան տրամադրել
Պենտագոնը պատրաստվում է հզոր ռադիոտեղորոշիչ կայան ուղարկել Ուկրաինա, հայտնում է The Wall Street Journal-ը՝ հղում կատարելով ԱՄՆ ադմինիստրացիային:
Պարբերականը հայտնել է, որ մասնավորապես ռադիոտեղորոշիչ կայանի մատակարարումը «ազդանշան է բանակի պաշտոնական ներկայացուցիչների կողմից Ուկրաինայի պաշտպանունակությունը բարձրացնելու ցանկության մասին»: Ընդ որում՝ ԱՄՆ պաշտպանության նախարարության մտադրությունը դեռ պետք է հավանության արժանացնի Սպիտակ տունը:
ԱՄՆ ադմինիստրացիայի ներկայացուցիչները ընդգծում են, որ ժամանակակից տեղորոշիչ կայանը «հարձակողական սպառազինությունների դասին չի պատկանում»:
Ավելի վաղ ամերիկյան իշխանությունները որոշում էին կայացրել կոնֆիկտի թեժացումից խուսափելու նպատակով Ուկրաինային չմատակարարել հրետանային ու հակաօդային պաշտպանության համակարգեր:
