7 երիտասարդի մահվան պատճառ դարձած ավտովթարի գործի նախաքննությունը շարունակվում է
Տաշիր-Ստեփանավան ճանապարհին 7 երիտասարդի մահվան պատճառ դարձած ավտովթարի դեպքի առթիվ հարուցված քրեական գործի նախաքննությունը շարունակվում է: Այս մասին ի պատասխան 168.am-ի հարցմանն ի պատասխան հայտնել են ՀՀ քննչական կոմիտեից:
ՀՀ քննչական կոմիտեից հայտնել են նաև, որ քրեական գործով նշանակված դատավտոտեխնիկական փորձաքննության եզրակացությունը դեռևս չի ստացվել: Նշենք, որ 7 երիտասարդի մահվան պատճառ դարձած վթարի դեպքի առթիվ ՀՀ քննչկան կոմիտեի Լոռու մարզային քննչական վարչության Ստեփանավանի քննչական բաժնում հարուցվել է քրեական գործ` ՀՀ քրեական օրոնսգրքի 242-րդ հոդվածի 3-րդ մասի հատկանիշներով:
Վթարի հետևանքով մահացել էին Տաշիր քաղաքի բնակիչներ Վանիկ Ստեփանի Մարդոյանը, Կարեն Խաչիկի Խաչատրյանը, Գևորգ Արթուրի Պողոսյանը, Արման Հրաչյայի Տոնոյանը, Գասպար Սեդրակի Ղուկեյանը, Վահագ Վախթանգի Ալբերտյանը և Երևան քաղաքի բնակիչ Արթուր Հարությունի Բալյանը:
