Եվրահանձնաժողովը սկսում է Ուկրաինային դրամական փոխառության տրամադրման գործընթացը
Եվրահանձնաժողովը որոշում է կայացրել Ուկրաինային հատկացնել 600 մլն եվրոյի առաջին տրանշը ավելի վաղ հաստատված 1,8 մլրդ դոլար վարկային ծրագրից:Այս մասին նշված է Եվրահանձնաժողովի կայքում:
«Եվրահանձնաժողովը որոշում է կայացրել սկսել Ուկրաինային 600 մլն եվրո փախառության հատկացման գործընթացը: Դա վերաբերում է մակրոֆինանսական օգնության նոր ծրագրի առաջին փուլին, որը հասնում է ընդհանուր առմամբ 1,8 մլրդ եվրոյի միջնաժամկետ փոխառությամբ»,-ասվում է հաղորդագրության մեջ:
Այդ միջոցները ուղղվելու են Ուկրաինայի ընթացիկ խնդիրների ծածկմանն ու տնտեսական կայունության աջակցմանը: Օգնությունը օգտագործվելու է ուկրաինական ղեկավարության կողմից կարևոր բարեփոխումների անցկացմանը պետական ֆինանսների, ղեկավարման, սոցիալական պաշտպանվածության, ձեռնարկատիրական ոլորտում:
Թե երբ Ուկրաինան կստանա առաջին տրանշը, չի հաղորդվում:
