Համաշխարհային բանկը Վրաստանին 60 մլն դոլարի վարկ կտրամադրի
Համաշխարհային բանկի գործադիր տնօրենների խորհուրդը հավանության է արժանացրել Վրաստանին 60 մլն դոլարի վարկի հատկացումը: Միջոցները, որ հատկացվելու են երրորդ տարածաշրջանային նախագծի համար, կտրամադրվեն Վերակառուցման ու զարգացման միջազգային բանկի միջոցով, հայտնում է «Գրուզիա օնլայնը»՝հղում կատարելով ՀԲ-ի վրաստանյան գրասենյակին:
Նախագծի նպատակն է Սամցխե-Ջավախեթիում ու Մցխեթ-Մտիանետիում զարգացնել ենթակառուցվածքները, նպաստել զբոսաշրջության աճին ու տեղի տնտեսական զարգացմանը:
Նախագիծը բաղկացած է երկու բաժնից՝ քաղաքային անվանումների վերականգնում ու զբոսաշրջային երթուղիների ստեղծում, մասնավոր ներդրումների ներգրավման նպատակով հասարակական ու զբոսաշրջայն ենթակառուցվածքների ապահովում ու ինստիտուցիոնալ զարգացում:
Վարկը ՀԲ-ի կողմից Վրաստանի համար հաստատված տարածաշրջանային զարգացման երրորդ նախագիծն է:
