Բեկենբաուեր. «Գվարդիոլան պետք է տիտղոսներ նվաճի, եթե ուզում է, որ իրեն սիրեն»
«Բավարիայի» պատվավոր նախագահ Ֆրանց Բեկենբաուերը զգուշանում է, որ «Բավարիան» կարող է լուրջ արգելքների հանդիպել չեմպիոնական տիտղոսը պահպանելիս:
Ավելի վաղ Պեպ Գվարդիոլան հայտարարել էր, որ ուզում է, որպեսզի իր աշխատանքով հիանան: «Բավարիայի» պատվավոր նախագահ Ֆրանց Բեկենբաուերի կարծիքով՝ երկրպագուների սերը գրավելու ամենահեշտ ձևը տիտղոսներ նվաճելն է:
«Ֆաների սերը հանդիսանում է ամենամեծ բանը, որին կարելի է հասնել: Նա կհասնի դրան, եթե տիտղոսներ նվաճի»,- Բեկենբաուերին ցիտում է TZ-ը:
Սակայն պաշտոնյան կարծում է, որ թիմը կարող է հաջորդ մրցաշրջանում բախվել դժվար խնդրի` իր հեգեմոնիան պահելիս:
«Բունդեսլիգայում մրցակցությունն ավելի խիստ կլինի, քան վերջին երկու մրցաշրջաններում, երբ «Բավարիան» հայտնվում էր գագաթին: «Վոլֆսբուրգը» ցույց տվեց, որ իրենք կարող են պայքարել չեմպիոնության համար: «Դորտմունդը» կվերադառնա հաջորդ մրցաշրջան ավելի ուժեղ: Ես հույս ունեմ, որ «Շալկեն» նույնպես ուժեղ մրցակից կլինի, և հետո, կան նաև «Բայերը» և Մյունհենի «Բորուսիան»»,- եզրակացրել է Բեկենբաուերը:
Պատրաստեց Անի Գաբուզյանը
