Սոմալիում իսլամիստների հարձակումից նվազագույնը 30 մարդ է զոհվել
Սոմալիի Լեգո քաղաքում իսլամիստական «Աշ-Շաբաբ» խմբավորման զինյալների հարձակման հետևանքով զոհվել է նվազագույնը 30 մարդ, հայտնում է BBC-ի ռուսական ծառայությունը:
Ճշտված տեղեկությունների համաձայն՝ մահապարտ ահաբեկիչը բազայի դարպասների մոտ է ուղղել պայթուցիկներով լի ավտոմեքենան, ինչից հետո նրա համախոհների ու զինվորականների միջև հրաձգություն է սկսվել:
Իսլամիստները հայտնում են, որ գրոհով վերցրել են Մոգադիշո-Բայդոա ճանապարհին ընկած բազան, որը հիմնականում վերահսկվում է կառավարության ու խաղաղարարների կողմից:
