Ցուցարարները հասան ոստիկանական բարիկադներին. նրանք վարդի թերթիկներ լցրեցին ոստիկանների վրա
Այս պահին էլեկտրաէներգիայի սակագնի թանկացման դեմ պայքարող ցուցարարները, որոնք երթով շարժվել են դեպի Բաղրամյան պողոտա, գրեթե մոտեցել են ոստիկանների կազմած պատին: Բաղրամյան պողոտայի սկզբնամասում ոստիկանները մի քանի շարքով պատ են կազմել կարմիր բերետավորների հետ: Ոստիկանները, հարվածելով զրահներին, ցուցարարներին զգուշացնում են չմոտենալ, սակայն ցուցարարներն անդրդվելի են:
Ցուցաարները՝ մոտենալով ոստիկաններին, վարդի թերթիկներ շաղ տվեցին նրանց վրա:
