Տիգրան Խզմալյանը երեկոյան կլինի Ազատության հրապարակում
Ռեժիսոր, քաղաքացիական ակտիվիստ Տիգրան Խզմալյանը, ով երեկ ներկա էր Բաղրամյան պողոտայում սկսված նստացույցին, 168.am-ի հետ զրույցում հայտնեց, որ պատրաստվում է մասնակցել այսօր երեկոյան Ազատության հրապարակում մեկնարկող համախմբման արշավին:
Խզմալյանը կարծում է, որ այսօրվա հավաքի հետ կապված ակնկալիքները պետք է թողնել դպրոցական շրջանավարտներին: «Հայաստանի հասարակությունը պետք է հասկանա, որ բոլոր սոցիալական խնդիրների արմատն է երկրի զավթված ու գաղութացված կարգավիճակը:
Մենք հանդիսանում ենք ԿԳԲ-ական ԽՍՀՄ-ի վերջին արգելանոցներից մեկը, մեր իշխանիկները հանդիսանում են ռուսական հատուկ ծառայությունների վարձու ու կամավոր գործակալներ, և պետականության վերջնական կորստից խուսափելու համար անհրաժեշտ է վերածել սոցիալական բողոքը քաղաքական ապստամբության՝ զանգվածային անժամկետ հանրահավաքի և հենց հրապարակում սկսված խորհրդարանական ընտրությունների միջոցով»,- 168.am-ի հետ զրույցում ասաց Տիգրան Խզմալյանը:
