Ադրբեջանում երկու զինծառայող ինքնասպանություն է գործել
Ադրբեջանական «Ազադլըղ» թերթի կայքը հայտնում է ադրբեջանական բանակի երկու զինվորի մահվան մասին:
Հաղորդվում է, որ Թովուզի շրջանում տեղակայված զորամասերից մեկում ինքնասպան է եղել Թափդիգով ազգանունով մի զինվոր: Ընդ որում՝ ինքնասպանության փաստով հանգամանքների փաստով տեղեկություն չկա, սակայն նշվում է, որ նա ծառայակիցների կողմից ճնշումների է ենթարկվել:
Զինծառայողը ծնունդով եղել է Աղդաշի շրջանից ու վերջերս էր զորամաս վերադարձել արձակուրդից հետո:
Ադրբեջանի մյուս զորամասերից մեկում էլ զինծառայողը ինքնասպան է եղել կախվելու միջոցով, նրա անունն ու ազգանունը չեն հաղորդվում: Ինքնասպանության պատճառ է նշվում նրա հանդեպ գործած ֆիզիկական բռնությունը:
Ադրբեջանի պաշտպանության նախարարությունը մեկնաբանություններ չի տվել:
