Գերադասում եմ փորագրել մեր պետական խորհրդանիշները
ԼՂՀ Հադրութի շրջանի Մայրամաձոր գյուղի բնակիչ Ռուբեն Դադայանը փայտի գեղարվեստական մշակմամբ և փորագրությամբ զբաղվում է դեռևս 1980-ական թվականներից։
Այս մասին «Արցախպրես»-ի թղթակցի հետ զրույցում ասել է Ռուբեն Դադայանը, ով գյուղի դպրոցի կերպարվեստի ուսուցիչն է։
«Հիմնականում փորագրում եմ ծառերի արմատների վրա՝ տարբեր ծառատեսակներից ստացված փայտից ստանալով հուշանվերներ։ Բացի այդ, զբաղվում եմ հրամշակ փայտի վրա։
Ինձ ներշնչում են հատկապես մեր պետական խորհրդանիշները, որոնց փորագրությամբ էլ գերադասում եմ զբաղվել»,- ասել է Ռ. Դադայանը։ Նրա խոսքով` երբեմն պատվերներ լինում են, սակայն հիմնականում փայտի փորագրությամբ զբաղվում է, որովհետև այն իր հոբբին է։
