Թբիլիսիում էլեկտրաէներգիայի մատակարարումն ամբողջությամբ վերականգնվել է
Թբիլիսիում էլեկտրաէներգիայի մատակարարումը, որն ընդհատվել էր նախօրեին տեղի ունեցած ջրհեղեղի հետևանքով, ամբողջությամբ վերականգնվել է, հայտնում է RIA Novosti-ն՝ հղում կատարելով «Թելասի» էլեկտրաբաշխիչ ընկերությանը:
«Էլեկտրաէներգիա ստանում են Թբիլիսիի բոլոր բնակիչները, խափանումներ այլևս չկան: Որոշ շրջաններում կան էլեկտրաէներգիայի տեղային անջատումներ, սակայն դա ժամանակավոր երևույթ է»,-գործակալությանը հայտնել են ընկերությունից:
Հիշեցնենք, որ հորդառատ անձրևների հետևանքով առաջացած ջրհեղեղի հետևանքով վնասվել են բնակելի տներ, ճանապարհներ, ենթակառուցվածքներ:
Պաշտոնական տեղեկությունների համաձայն՝ զոհվել է 12 մարդ, ավելի քան 20 մարդ անհետ կորած է համարվում:
