Վրաստանում ԱՄՆ դեսպանությունը պատրաստ է օգնել Վրաստանին հաղթահարել աղետի հետևանքները. դեսպանություն
Վրաստանում ԱՄՆ դեսպանությունը հայտարարել է Թբիլիսիում ջրհեղեղի հետևանքների վերացման հարցում օգնություն ցուցաբերելու մասին, հայտնում է «Գրուզիա օնլայնը»:
«ԱՄՆ դեսպանությունը ցավակցում է նրանց, ում առնչվել է Թբիլիսիի ջրհեղեղը: Ցավում ենք 12 մարդու մահվան կապակցությամբ»,-ասվում է Վրաստանում ԱՄՆ դիվանագիտական ներկայացուցչության հայտարարության մեջ:
Դեսպան Ռիչարդ Նորլանդը հանդիպել է Թբիլիսիի քաղաքապետ Դավիթ Նարմանիայի հետ ու հաստատել օգնություն տրամադրելու պատրաստակամության մասին, ասվում է հաղորդագրության մեջ:
Կիրակի Թբիլիսիում տեղի ունեցած ջրհեղեղի հետևանքով մահացել է 12 մարդ, տուժել է 266 մարդ, ևս 37 մարդ գտնվում է հիվանդանոցներում, նրանցից 3-ի վիճակը ծանր է:
