Միհրան Հարությունյանը հաղթեց ադրբեջանցուն և դուրս եկավ եզրափակիչ
Եվրոպական 1-ին խաղերի շրջանակում հունահռոմեական ոճի ըմբշամարտի 66 կգ քաշային կարգի պայքարը թևակոխել է եզրափակիչ փուլ:
Կիսաեզրափակչում Միհրան Հարությունյանը 8:5 հաշվով հաղթեց Ադրբեջանը ներկայացնող Հասան Ալիևին և դուրս եկավ եզրափակիչ:
Եվրոպական անդրանիկ խաղերում Միհրանը եզրափակիչ դուրս եկած առաջին հայ մարզիկն է:
Ոսկե մեդալի համար Հարությունյանը կգոտեմարտի Արտեմ Սուրկովի (Ռուսաստան) հետ:
Հավելենք, որ 85 կգ քաշային կարգում Մաքսիմ Մանուկյանը բրոնզե մեդալի համար պայքարում երեկոյան կգոտեմարտի Բասար Մետեհանի հետ (Թուրքիա):
75 կգ քաշային կարգի որակավորման փուլում Կարապետ Չալյանը առաջին իսկ գոտեմատում 0:4 հաշվով պարտվել էր Մարկ Մադսենին:
