«Մանչեսթեր Յունայթեդը» 18 մլն եվրոյով ձեռք կբերի բրազիլացի ֆուտբոլիստի
«Հոֆենհայմի» 23-ամյա ֆուտբոլիստ Ռոբերտո Ֆիրմինոն կանցնի բժշկական հետազոտություն` անմիջապես Ամերիկայի գավաթի ընթացքում:
«Ֆիրմինոն կտեղափոխվի «Մանչեսթեր Յունայթեդ» 18 մլն եվրոյով: Նա ունի երրորդ ամենամեծ պայմանագիրը adidas-ի հետ` Մեսսիից և Սուարեսից հետո»,- հաղորդում է ESPN-ի թղթակից Ժոզե Էլիաշը:
Ռոբերտո Ֆիրմինոն «Հոֆենհայմի» կազմում խաղում է 2011 թվականից` 152 պաշտոնական խաղերում խփելով 48 գոլ:
Բրազիլիայի հավաքականում անցկացրած 6 խաղում նա դարձել է 3 գոլի հեղինակ:
Պատրաստեց Անի Գաբուզյանը
