«Մանչեսթեր Յունայթեդը» կվաճառի XXXXL չափի մարզաշապիկներ
«Մանչեսթեր Յունայթեդի» հսկա երկրպագուները խնդրել են ակումբից նոր մարզաշապիկներ: 2015/16թթ. մրցաշրջանում «Մանչեսթեր Յունայթեդի» ակումբային խանութներում կվաճառվեն XXXXL չափի մարզաշապիկներ: Սա պայմանավորված էր ակումբի խոշոր երկրպագուների դժգոհությամբ, ովքեր չէին կարողանում հագնել իրենց չափսի մարզաշապիկ: Ինչպես հաղորդում է The New Zealand Herald-ը, երկրպագուների խնդրանքը կիրականացնի adidas-ը, ով հաջորդ մրցաշրջանում կձևավորի անգլիական ակումբի համազգեստը:
Նախկինում ամենամեծ՝ XXXL չափսի համազգեստ վաճառում էին «Չելսին», «Մանչեսթեր Սիթին», «Արսենալը» և «Լիվերպուլը»:
adidas-ի հետ կնքած պայմանագրի համաձայն՝ «Մանչեսթեր Յունայթեդը» կստանա 981 մլն եվրո` 10 տարվա ընթացքում:
Անգլիայի հավաքականի համազգեստի առավելագույն չափը XXL-ն է:
Պատրաստեց Անի Գաբուզյանը
