Ինչպե՞ս բնական ճանապարհով նվազեցնել դեմքի սև կետերը

Դեմքի մաշկի, հատկապես քթի շրջանում սև կետերը տարածված խնդիր են: Դրանք հաճախ ի հայտ են գալիս յուղոտ մաշկի վրա, քանի որ դեմքը հաճախ չլվանալու կամ կլիման փոխելու պատճառով յուղը հավաքվում է ծակոտիներում:

steptohealth.com-ը ներկայացրել է դրանց դեմ պայքարելու մի քանի բնական միջոցներ, որոնք կներկայացնենք ստորև: Սև կետերը մաքրելու համար նախ պետք է խորը մաքրել մաշկը և ազատվել մաշկի կեղտից: Ճիշտ մաքրելու համար կարող եք օգտագործել դեմքի դիմակներ կամ խնամքի միջոցներ:

Դիմակի համար ձեզանից կպահանջվի՝

1ճ/գ «Հերկուլես» վարսակի փաթիլներ
1ճ/գ յոգուրտ
1ճ/գ գազարի հյութ
1թ/գ ձիթապտղի յուղ

Խառնեք բոլոր բաղադրիչները, որպեսզի խյուսանման զանգված ստացվի: Ստացված քսուքը քսեք դեմքին, թողեք մնա 15 րոպե, ապա մաքրեք սառը ջրով:

Շերտազատում

Մաշկը խնամելու համար շատ կարևոր է նաև մաշկի շերտազատումը՝ մահացած բջիջներից ազատվելու համար: Առողջ և մաքուր մաշկ ունենալու համար շաբաթը 2-3 անգամ շերտազատեք մաշկը:

Ձեզանից կպահանջվի

1 հասած բանան
2ճ/գ մանրացրած շաքարի փոշի
1թ/գ նշի յուղ

Ի՞նչ պետք է անել.

Բոլոր բաղադրիչները լավ խառնեք, մինչև խյուսանման զանգված ստանալը: Քսեք դեմքին՝ մի քանի րոպե շրջանաձև շարժումներ կատարելով:

Թարմացրեք մաշկը

Մաշկի մեռած բջիջներից ազատվելուց հետո կարող եք պատրաստել տնային տոնիկ՝ 100%-ով թարմության համար:

Ձեզանից կպահանջվի

1 վարունգ
1/2լ ջուր

Ի՞նչ պետք է անել.

Վարունգը հրաշալի միջոց է՝ մաշկը թարմացնելու և ջրով սնուցելու համար: Այն հրաշալի կերպով մաքրում է մաշկի ավելորդ կեղտերն ու յուղերը:

Տոնիկ սարքելու համար կտրատեք վարունգը և լցրեք կաթսայի մեջ, վրան ավելացրեք 1/2լ ջուր: Դրեք կրակին և թողեք եռա 30 րոպե, սառեցրեք և քսեք դեմքին բամբակի կտորով:

Տնական դիմակներ՝ սև կետերը մաքրելու համար

Արքայախնձորի դիմակ

Արքայախնձորը թարմացնող և ջրով սնուցող հատկանիշներ ունի, բացի այդ, փակում է ծակոտիները:

Պատրաստելու համար Ձեզանից կպահանջվի

½ բաժակ բնական արքայախնձորի հյութ
1ճ/գ մեղր

Խառնեք 2 բաղադրիչները և քսեք դեմքին: Թողեք մնա 15 րոպե և լվացեք սառը ջրով:

Ալոէով և լոլիկով դիմակ

Այս դիմակով ի վիճակի կլինեք մաքրել ավելորդ յուղերը և այն ազդակները, որոնք ազդում են սև կետերի առաջացման վրա: Այն թարմացնում, փափկեցնում և ջրով է սնուցում մաշկը: