Երկրպագուները Մեսսիին համարում են Չեմպիոնների լիգայի պատմության լավագույն ֆուտբոլիստ

Mastercard-ը հարցում է անցկացրել՝  պարզելու համար, թե ըստ երկրպագուների՝ ով է եվրոպական ամենահեղինակավոր մրցաշարի՝ Չեմպիոնների լիգայի լավագույն ֆուտբոլիստը: Եվրոպացի երկրպագուների քվեարկության արդյունքում պարզվել է, որ  երկրպագուները այս անվանակարգում տեսնում են կատալոնական ակումբի առաջատար Լիոնել Մեսսիին:

27-ամյա արգենտինացին հավաքել է ձայների 27%-ը՝ շրջանցելով ֆրանսիացի Զինեդին Զիդանին (12%): Նրանց հաջորդում են Կրիշտիանու Ռոնալդուն (11%), Ռոնալդոն (7%) և Դեյվիդ Բեքհեմը (4%):

Մեսսին առաջատարի դիրքում է եղել Մեծ Բրիտանիայում, Գերմանիայում, Իսպանիայում, Հոլանդիայում, Իտալիայում, Թուրքիայում, Ռուսաստանում և Հունգարիայում: Մեսսիին քվեարկել են հիմնականում 25-60 տարիքային խմբում գտնվող մարդիկ:

Սիրարփի Աղաբաբյան