Ռաֆայել Բենիտեսը ստորագրեց եռամյա պայմանագիր «Ռեալի» հետ
Մամլո ասուլիսը, որի ժամանակ կներկայացնեն «սերուցքայինների» նոր գլխավոր մարզչին, տեղի կունենա չորեքշաբթի: Բենիտեսը պաշտոնապես հրաժեշտ տալով «Նապոլիին», որտեղ աշխատել էր վերջին 2 տարիներին, երկուշաբթի ժամանել է Մադրիդ:
Վաղ առավոտյան նա հեռացել է Նապոլիի հյուրանոցից և ուղևորվել է Իսպանիայի մայրաքաղաք: Հասնելուն պես, մարզիչը եռամյա պայմանագիր է ստորագրել «Ռեալի» հետ, որի համաձայն՝ նա տարեկան կստանա 4 մլն եվրո: Հարցին, թե արդյոք այս պայմանագիրը երազա՞նք էր, Ռաֆան դրական է պատասխանել: Ակումբի հաջորդ քայլը նոր ղեկավարի պաշտոնական շնորհանդեսն է, որը տեղի կունենա «Սանտյագո Բերնաբեուում»՝ չորեքշաբթի օրը, ժամը 14:00-ին:
Պատրաստեց Անի Գաբուզյանը
