Արաս Օզբիլիզը շնորհակալություն է հայտնել «Սպարտակի» բժշկական անձնակազմին
Հայաստանի հավաքականի ու Մոսկվայի «Սպարտակի» 25-ամյա ֆուտբոլիստ Արաս Օզբիլիզը Instagram-ի իր էջում երախտագիտություն է հայտնել այն մարդկանց, ում շնորհիվ ապաքինվել է վնասվածքից:
«Ուզում եմ շնորհակալություն հայտնել «Սպարտակի» բժշկական կազմին՝ իրենց ջանքերի համար: Իմ վնասվածքից հետո նրանք շատ օգնեցին ինձ: Եվ առաջին հերթին՝ նրանք զարմանալի մարդիկ են»,- գրել է հայազգի կիսապաշտպանը:
Հիեցնենք, որ մեր ֆուտբոլիստը երկար ժամանակ ապաքինման պրոցեսում է, և հիմա, վերջապես, կազդուրվել է: Օզբիլիզը հրավիրվել է Հայաստանի ազգային հավաքական, և, ամենայն հավանականությամբ, կլինի Պորտուգալիայի հետ խաղի հայտացուցակում:
Սիրարփի Աղաբաբյան
