Մխիթարյանը՝ շաբաթվա լավագույն ֆուտբոլիստ
Այս հանգստյան օրերին կայացան Գերմանիայի առաջնության վերջին տուրի հանդիպումները: Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը ճանաչվել է Բունդեսլիգայի 34-րդ տուրի լավագույն ֆուտբոլիստ։
Գերմանիայի առաջնության պաշտոնական կայքում անցկացված հարցման արդյունքները փաստում են, որ մեր 26-ամյա ֆուտբոլիստը ճանաչվել է լավագույնը՝ ստանալով ձայների 64 տոկոսը։ 23 տոկոս ձայնով երկրորդ տեղում է Մյունհենի «Բավարիայի» կիսապաշտպան Բաստիան Շվայնշտայգերը, իսկ լավագույն եռյակը եզրափակել է «Շտուտգարտի» հարձակվող Դանիել Գինչժեկը՝ 13 տոկոս։
Բունդեսլիգայի վերջին տուրում «Բորուսիան» հաղթել էր (3:2) Բրեմենի «Վերդերին»: Մխիթարյանն այդ խաղում դարձել է հաղթական գոլի հեղինակ, ինչպես նաև ճանաչվել է խաղի լավագույն ֆուտբոլիստ:
Սիրարփի Աղաբաբյան
