Սուրիկ Խաչատրյանի դեմ մահափորձի գործով խուզարկել են Բուդաղյանների տունը. yerkir.am
Yerkir.am-ի տեղեկություններով՝ Սյունիքի մարզպետ Սուրիկ Խաչատրյանի մեքենայի վրա արձակված կրակոցների գործով շաբաթ օրը խուզարկություն է կատարվել Արտակ Բուդաղյանի առանձնատանը:
Նույն ժամին խուզարկություն է կատարվել նաև Գորիսի նախկին քաղաքապետի թեկնածու Տիգրան Կարապետյանի տանը: Վերջինս կայքի հետ զրույցում հաստատեց տեղեկությունը՝ նշելով, որ առաջին անգամ են իր տունը խուզարկում:
Տ. Կարապետյանի խոսքով՝ խուզարկության ժամանակ ինքն իրավապահներին է ներկայացրել իրեն պատկանող օրինական գազային ատրճանակ եւ որսորդական հրացանը, որոնք ամենայն հավանականությամբ ուղարկվել են քննության:
Մանրամասները` yerkir.am կայքում:
