Ռուսաստանը մենատիրության չի հավակնում հետխորհրդային տիրույթում. Լավրով
Ռուսական РИА Новости լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովն այսօր Դաշնության խորհրդում հայտարարել է, որ Ռուսաստանը մենատիրության չի հավակնում հետխորհրդային տիրույթում և ճանաչում է բազմավեկտոր արտաքին քաղաքականություն վարելու՝ իր հարևանների իրավունքները.
«Մենք չունենք գործունեության մենատիրություն այդ տիրույթում: Մենք ճանաչում ենք մեր հարևանների, նախկին խորհրդային հանրապետությունների, սակայն ներկայումս՝ ինքնիշխան պետությունների իրավունքները, ճանաչում ենք բազմավեկտոր արտաքին քաղաքականություն վարելու նրանց իրավունքները:
Ռուսաստանը նույնպես վարում է բազմավեկտոր արտաքին քաղաքականություն: Դրա համար էլ մենք ըմբռնումով ենք վերաբերվում Եվրոպայի, Ամերիկայի, մյուս տարածաշրջանների այլ խաղացողների հետ նրանց կապերին:
Միակ բանը, որը մենք պնդում ենք, այն է, որ այդ գործընթացները լինեն բաց, չունենան գաղտնի որևէ մտադրություն, քողարկված ինչ-ինչ սխեմաներ, որպեսզի ամբողջովին հաշվի առնեն բաց և անկեղծ ձևով մեր ներկայացրած Ռուսաստանի Դաշնության ազգային օրինական շահերը: Այլ կերպ ասած՝ մենք պատրաստ ենք ներդաշնակեցնել այդ բոլոր գործընթացներն ու փնտրել շահերի հավասարակշռում»:
