![](/banners/BeFunky-design.jpg)
Կարմիր խաչի ներկայացուցիչները հանդիպել են հակառակորդի կողմում հայտնված Անդրանիկ Գրիգորյանին
![](https://168.am/wp-content/uploads/2015/03/andranik-grigoryan.png)
Կարմիր խաչի միջազգային կոմիտեի ներկայացուցիչները երեկ հանդիպել են մարտի 22-ին առաջնային գիծն անցած ու հակառակորդի կողմում հայտնված Անդրանիկ Գրիգորյանին: Կարմիր Խաչի Միջազգային Կոմիտեի հայաստանյան գրասենյակի հաղորդակցման ծրագրերի ղեկավար Զառա Ամատունին 168.am-ին փոխանցեց, որ հանդիպման ժամանակ փոխանակվել են ընտանեկան տեղեկություններ:
Հիշեցնենք, որ Անդրանիկ Գրիգորյանը զենք-զինամթերքը թողնելով մարտական դիրքում, անցել էր առաջնային գիծը և հայտնվել հակառակորդի կողմում:
Դեպքի առթիվ հարուցվել էր քրեական գործ՝ ՀՀ քրեական օրենսգրքի 362-րդ հոդվածի 2-րդ մասով (դասալքությունը՝ մարտական հերթապահություն կատարող զինծառայողի կողմից)։