Ավստրալիան պատժամիջոցներ է սահմանել Ռուսաստանի դեմ
BBC-ի փոխանցմամբ՝ Ավստրալիայի արտգործնախարար Ջւլիա Բիշոպը հայտարարել է, որ Ավստրալիան Ռուսաստանի դեմ սահմանել է սահմանափակիչ միջոցներ, որոնք նման են այդ երկրի դեմ ԱՄՆ-ի, Կանադայի ու Եվրոպայի սահմանած միջոցներին: Բիշոպը մանրամասնել է, որ սահմանափակիչ միջոցները մասնավորապես առնչվում են զենքի առևտրին, ֆինանսական ու նավթագազային ոլորտին:
Մարտի 3-ին ԱՄՆ նախագահ Բարաք Օբաման մեկ տարով երկարաձգել էր Ռուսաստանի դեմ 2014 թվականին սահմանած պատժամիջոցների ժամկետը: Պատժամիջոցները հանդիսանում են Ուկրաինայում ռուսական ագրեսիայի պատասխանը: ԵՄ-ի առաջնորդները պայմանավորվել են, որ Ռուսաստանի դեմ սահմանված պատժամիջոցների ժամկետը կարող է երկարաձգվել մինչև տարեվերջ:
