Սարկոզիի կուսակցությունը ՏԻՄ ընտրությունների արդյունքներով հաղթել է Օլանդի կուսակցությանը

Բրիտանական Reuters լրատվական գործակալության փոխանցմամբ՝ Ֆրանսիայում երեկ անցկացվել է տեղական ինքնակառավարման մարմինների (ՏԻՄ) ընտրությունների երկրորդ փուլը:

Դրա արդյունքներով՝ իշխող «Սոցիալիստական կուսակցությունը» կորցրել է առաջատարի դերը շրջաններում: Ֆրանսիայի նախագահ Ֆրանսուա Օլանդի կուսակցությունն առավելության է հասել միայն 30 դեպարտամենտում, մինչդեռ նախկինում սոցիալիստները հաղթել էին 61 շրջանում:

Ֆրանսիայի նախկին նախագահ Նիկոլա Սարկոզիի գլխավորած «Հանուն Ժողովրդական շարժման միությունը» ու նրա դաշնակիցները հաղթում են 66-70 շրջանում՝ հանդիսանալով ընտրությունների արդյունքներով առաջատարներ: