Ուկրաինայի առանցքային առաջադրանքն ապաօլիգարխացումն է. Պորոշենկո
ICTV հեռուստաալիքին տված հարցազրույցի ժամանակ Ուկրաինայի նախագահ Պյոտր Պորոշենկոն հայտարարել է, որ երկրի առանցքային առաջադրանքը «ապաօլիգարխացումն» է: Այս մասին հայտնել է Ուկրաինայի նախագահի մամլո ծառայությունը:
Նրա խոսքերով` Ուկրաինայում «Արժանապատվության հեղափոխությունից» հետո պետք է գործի կարգուկանոն ու արդարություն և ոչ թե կոռուպցիա ու օլիգարխների կամայականություններ:
Պորոշենկոն ընդգծել է, որ «Արժանապատվության հեղափոխությունից» հետո վրա է հասել ոչ թե գթասրտության, վրեժխնդրության կամ հաշվեհարդարի, այլ` արդարության ժամանակաշրջան: Նախագահը կարծում է, որ իշխանությունները կարող են հասնել նրան որ կոռումպացվածները երկրում իրենց չզգան անվտանգ:
