Գագիկ Ջհանգիրյանը՝ քրեական հեղինակությունների, «սուտի գողականների» մասին
«Մեր հասարակությունը ախտահարված է քրեական աշխարհով»,- այսօր ԱԺ նիստում հայտարարությունների ժամին ասաց ՀԱԿ խմբակցության պատգամավոր Գագիկ Ջհանգիրյանը:
Նա նշեց, որ գողական բարքերը ավել մեծ տարածքներ են ընդգրկում, հասարակությունն էլ համակերպվում է, ընդունում է հանցաշխարհի հեղինակություններին ու նրանց վարքագծի կանոնները: Ըստ նրա՝ հանցավորության դեմ պայքարում էական դրական տեղաշարժեր չեն արձնագրվում: Գ. Ջհանգիրյանի խոսքով՝ հակառակ պարագայում ինչո՞վ է բացատրվում, որ ՀՀ-ն է դարձել հանցավոր աշխարհի հեղինակությունների հավաքատեղի: Նա նշեց, որ «սուտի գողականների դասը խեղաթյուրում է կառավարման համակարգը», դատական համակարգի բացակայության պայմաններում ՀՀ քաղաքացիներն ավելի հաճախ են դիմում քրեական աշխարհին, այսինքն՝ այլընտրանքային արդարադատություն է ձևավորվել:
«Պետության կրիմինալիզացիան կործանարար է»,- ասաց Ջհանգիրյանը:
