Վրաստանի ԱԳՆ-ն աշխատում է Ջոն Քերիի ու Անգելա Մերկելի այցերի ուղղությամբ
Новости-Грузия լրատվական գործակալության փոխանցմամբ՝ Վրաստանի ԱԳՆ-ն աշխատում է ԱՄՆ պետքարտուղար Ջոն Քերիի ու Գերմանիայի կանցլեր Անգելա Մերկելի այցերի ուղղությամբ: Այս մասին լրագրողների հետ այսօրվա ճեպազրույցում հայտարարել է Վրաստանի ԱԳՆ-ի խոսնակ Դավիթ Կերեսելիձեն:
Նա ընդգծել է, որ դեռ չի կարող հայտնել այդ այցերի ստույգ ժամկետները: Կերեսելիձեի խոսքերով՝ Անգելա Մերկելը ենթադրաբար Վրաստան կայցելի այս տարվա երկրորդ կեսին:
Ավելի վաղ Վրաստանի արտգործնախարար Թամար Բերուչաշվիլին հայտարարել էր, որ իրենք պլանավորում են անցկացնել Վրաստանի ու ԱՄՆ-ի միջև Ռազմավարական գործընկերության խարտիայի լիագումար նիստ, որի շրջանակներում երկիր մտադիր է այցելել ԱՄՆ պետքարտուղար Ջոն Քերին:
Կերեսելիձեի խոսքերով՝ վրացական կողմը ցանկանում է, որ այդ հանդիպումը գլխավորի Ջոն Քերին:
