Եվրոպայում ստեղծել են «Ճակատամարտ Դոնեցկի համար» համակարգչային խաղը
ТСН.ua-ի փոխանցմամբ` բելգիական LuGus Studios ստուդիան ստեղծել է «Ճակատամարտ Դոնեցկի համար» անունով համակարգչային խաղը: Այն մշակած անձինք հայտարարել են, որ իրենց նախագիծը պարունակում է հակառազմական ուղերձ:
Նրանք հայտարարել են, որ իրենց նպատակը ոչ թե քաղաքական որևէ դիրքորոշում հայտնելն է, այլ` Ուկրաինայի հակամարտության իրազեկվածությունը բարձրացնելը:
Խաղը մշակողներն ընդգծել են, որ մինչ աշխարհի մի շարք երկրների առաջնորդներ խոսում և վիճում են աշխարհում նոր «Սառը պատերազմի» մասին, Ուկրաինայկի արևելքում հազարավոր խաղաղ բնակիչներին սպառնում է իրական պատերազմ:
Այդ հակամարտության ժամանակ զոհվել է ավելի քան 5000 մարդ: Խաղի հեղինակները պոտենցիալ խաղացողներին ասում են. «Պատկերացրեք, որ դուք Դոնեցկի համար ճակատամարտում հրամանատար եք, ով խաղում է այդ մարդկանց կյանքով: Դուք եք սահմանում խաղադրույքները: Դուք կարո՞ղ եք հաղթել:
Խաղում, ում կողմն էլ, որ ընտրի խաղացող, ամեն դեպքում նա պարտվելու է: Համակարգչային յուրաքանչյուր խաղից հետո էկրանին հայտնվում են տվյալները, թե որքան խաղաղ բնակիչներ սպանվեցին դիմակայության ժամանակ»:
