Սաակաշվիլու կուսակցությունը Վրաստանի կառավարությունից պահանջել է պատժել «Աէրոֆլոտին»
Новости-Грузия լրատվական գործակալության փոխանցմամբ՝ ընդդիմադիր «Միասնական ազգային շարժում» կուսակցության խմբակցության անդամ Գեորգի Բարամիձեն խորհրդարանի լիագումար նիստի ժամանակ կառավարությունից պահանջել է պատժել ռուսական «Աէրոֆլոտ» ավիաընակերությանը՝ խզելով նրա հետ կապերը:
Բարամիձեն ընդգծել է, որ «Աէրոֆլոտը», չվերթ իրականացնելով դեպի Աբխազիա, խախտել է «Վրաստանի օկուպացված տարածքների մասին» օրենքը, ինչի համար էլ պետք է նրա դեմ կիրառելով օրենքով սահմանված պատժամիջոցներ.
«Ինձ պարզապես ապշեցնում է, երբ կառավարության ներկայացուցիչն այս ամբիոնից ասում է, որ «Աէրոֆլոտը» միայն մեկ անգամ է խախտել «Վրաստանի օկուպացված տարածքների մասին» օրենքը, և որ կառավարությունը սահմանափակվել է միայն Քաղաքացիական ավիացիայի միջազգային կազմակերպությանը նամակ և նոտա հղելով: Ինչ-որ մեկը շատ է ցանկանում աչք փակել դրա վրա»:
