ՀԱՊԿ-ի երկրներն այս տարի մասշտաբային զորավարժություններ կանցկացնեն Հայաստանում ու Ռուսաստանում
Ռուսական Rosbalt լրատվական գործակալության փոխանցմամբ՝ Հայաստանի, Ռուսաստանի, Ղազախստանի, Բելառուսի, Ղրղզստանի ու Տաջիկստանի պաշտպանական գերատեսչությունների ներկայացուցիչները Մոսկվայում քննարկել են ՀԱՊԿ-ի շրջանակներում «Անխախտ եղբայրություն – 2015» և «Փոխգործակցություն – 2015» առաջիկա համատեղ զորավարժությունների նախապատրաստման ու անցկացման հարցերը:
Այս մասին հայտնել է Ղազախստանի պաշտպանության նախարարությունը: Վերջինիս հաղորդմամբ՝ տվյալ զորավարժությունները հանդիսանում են ՀԱՊԿ-ի շրջանակներում վեց երկրների փոխգործակցության կարևոր մաս: Ընդգծվում է, որ այս տարի մասշտաբային զորավարժությունները կանցկացվեն Հայաստանում ու Ռուսաստանում:
Նախորդ տարի «Փոխգործակցություն – 2014» զորավարժությունն անցկացվել է Ղազախստանում, իսկ «Անխախտ եղբայրություն – 2014» զորավարժությունը՝ Ղրղզստանում:
