Կրիշտիանու Ռոնալդուն Facebook սոցցանցում գերազանցել է Շակիրայի ցուցանիշը
BBC News-ի փոխանցմամբ` Facebook սոցցանցում Կրիշտիանու Ռոնալդուի էջը դարձել է ամենահանրաճանաչ էջը: Պորտուգալիայի հավաքականի ավագի էջը «լայքել» են ավելի քան 107 միլիոն անգամ:
Այդպիսով Ռոնալդուն գերազանցել է նախորդ ռեկորդակիր, կոլումբիացի երգչուհի Շակիրայի ցուցանիշը, որի ֆեյսբուքյան էջի «լայքերի» թիվը 10.000-ով ավելի պակաս է: Շակիրայի էջը 100 միլիոն «լայքի» սահմանագիծը հաղթահարել էր նախորդ տարվա հուլիսին:
Երրորդ տեղում ռեպեր Էմինեմն է, ով բավական հետ է մնացել նրանցից` 98 միլիոն «լայք», ապա գալիս են դերասան Վին Դիզելը (90 միլիոն), երգչուհի Ռիհանան (89 միլիոն): Facebook սոցցանցում երկրորդ ամենահանրաճանաչ մարզիկը «Բարսելոնա» ակումբի արգենտինացի հարձակվող Լիոնել Մեսին է` 78 միլիոն:
