BP-ը դարձել է TANAP-ի բաժնետեր
Թուրքական Anadolu լրատվական գործակալության փոխանցմամբ` «Անդրանատոլիական» (TANAP) գազատարի նախագծի շրջանակներում երեկ համաձայնագիր է ստորագրվել ադրբեջանական SOCAR, թուրքական BOTAŞ և բրիտանական BP ընկերությունների միջև:
Փաստաթղթի համաձայն` BP-ը դառնում է TANAP-ի բաժնետեր` 12 տոկոսանոց բաժնեմասով: Բաժնետոմսերի 30 տոկոսը պատկանում է BOTAŞ-ին, իսկ 58 տոկոսը` SOCAR-ին: TANAP գազատարը նախատեսված է ադրբեջանական գազը թուրք-եվրոպական սահման հասցնելու համար:
Գազատարի կառուցման մեկնարկը մարտի 17-ին տեղի է ունենալու Կարսում, այն շահագործման կհանձնվի 2018 թվականին: Նախագծի իրագործման արժեքը գնահատվում է 11 միլիարդ դոլար:
