Պուտինը կարգադրել է ստորագրել ԵՏՄ-ին Ղրղզստանի անդամակցության մասին արձանագրությունները
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը կարգադրել է ստորագրել ԵՏՄ-ին Ղրղզստանի անդամակցության մասին արձանագրությունները: Ղրղզստանը ԵՏՄ-ին անդամակցելու մասին պայմանագիրը ստորագրել է 2014 թվականի դեկտեմբերի 23-ին:
Համապատասխան հրամանագիրն այսօր հրապարակվել է իրավական տեղեկատվության պաշտոնական պորտալում: Պայմանագրին կից արձանագրությունների նախագծերը հստակեցնում են ԵՏՄ-ին Ղրղզստանի անդամակցելու կոնկրետ պայմանները՝ ներառյալ առևտրային ծառայությունները:
Ակնկալվում է, որ Ղրղզստանը ԵՏՄ-ին կանդամակցի ընթացիկ տարվա մայիսին:
