«Բոկո Հարամի» զինյալները հավատարմության երդում են տվել «Իսլամական պետությանը»
![](https://168.am/wp-content/uploads/2015/03/pic_5d599979655f06c912e66e8e26628923.jpg)
Բրիտանական Reuters լրատվական գործակալության փոխանցմամբ` Նիգերիայում լայն գործունեություն ծավալած «Բոկո Հարամ» իսլամական խմբավորման զինյալները հավատարմության երդում են տվել «Իսլամական պետություն» ահաբեկչական խմբավորմանը:
Համացանցում հայտնվել է աուդիոձայնագրություն, որում «Բոկո Հարամի» առաջնորդ Աբուբաքար Շեկաուն հավատարմության երդում է տալիս ԻՊ-ին. «Մենք հայտարարում ենք խալիֆին (ԻՊ) մեր հավատարմության մասին, մենք կլսենք ու կենթարկվենք նրան ինչպես դժվար ժամանակներում, այնպես էլ շեն ժամանակներում»:
Նիգերիայում ու հարևան երկրներում գործող «Բոկո Հարամը» հանդես է գալիս իրեն ենթակա տարածքներում շարիաթի ներդրման և Արևմուտքի դեմ պայքարելու օգտին: