Նեմցովի սպանության գործով կասկածյալը նռնակով իրեն պայթեցրել է Գռոզնիում
![](https://168.am/wp-content/uploads/2015/03/pic_c0431d1af3ec35fc99734893807f5eda.jpg)
Ռուսական Интерфакс լրատվական գործակալության փոխանցմամբ` Բորիս Նեմցովի սպանության գործով կասկածյալը նռնակով իրեն պայթեցրել է Գռոզնիում: Այս մասին հայտնել է իրավապահ մարմիններում գործակալության աղբյուրը:
Վերջինիս խոսքերով` ոստիկանությունը շրջապատել է կասկածյալին, ով մեկ նռնակ է նետել ոստիկանության աշխատակիցների ուղղությամբ, իսկ երկրորդ նռնակով պայթեցրել է իրեն: Ավելի վաղ Չեչնիայի իրավաահ մարմինները հայտնել էին, որ Գռոզնու բնակիչը դիմադրել է ոստիկաններին:
Ոստիկանների ու քաղաքացիական անձանց թվում տուժածներ չկան: Մարտի 7-ին Բորիս Նեմցովի սպանությանը մասնակցելու կասկածանքով ձերբակալվել են Անզոր Գուբաշևն ու Զաուր Դադաևը: