Շվեյցարիան ընդլայնել է Ռուսաստանի դեմ պատժամիջոցները
Lenta.ru-ի փոխանցմամբ` Շվեյցարիան ընդլայնել է Ռուսաստանի դեմ պատժամիջոցները: Նոր միջոցները մասնավորապես առնչվում են Ղրիմին ու Սևաստոպոլին: Համապատասխան որոշումն ուղղված է ԵՄ-ի սահմանած պատժամիջոցների շրջանցումը կանխելուն:
Այն ընդունել է Շվեյցարիայի դաշնային խորհուրդը: Նոր պատժամիջոցները հավելվել են այն միջոցերին, որոնք ընդունվել են 2014 թվականի օգոստոսի 27-ին: Ընդգծվում է, որ դա արվել է պատժամիջոցների հարցում ԵՄ-ի հետ գործողությունների համաձայնեցմամբ:
ԵՄ-ը ռուսական երկու նոր տարածաշրջանների դեմ սահմանափակումները մտցրել է նախորդ տարվա դեկտեմբերին: Նոր որոշման համաձայն` արգելվում է միջոցներ ներդնել Ղրիմի ու Սևաստոպոլի տնտեսությունում: Արգելվում է նաև համագործակցությունն այնպիսի ոլորտներում, ինչպիսիք են ներդրումային, զբոսաշրջային և այլ ոլորտները:
