Էներգետիկ թեման պետք է դառնա հարևան երկրների հետ ԵՄ-ի երկխոսության մշտական բաղադրիչ. եվրահանձնակատար
Ռուսական РИА Новости լրատվական գործակալության փոխանցմամբ՝ էներգետիկ թեման պետք է դառնա հարևան երկրների հետ ԵՄ-ի դիվանագիտական երկխոսության մշտական բաղադրիչ: Այս մասին հայտարարել է էներգետիկայի ու կլիմայի հարցերով հանձնակատար Միգել Արիաս Կանիետեն:
ԵՄ-ի հարևանության ու ընդլայնման քաղաքականության հարցերով եվրահանձնակատար Յոհաննես Հահնը հայտարարել է, որ ԵՄ-ը ցանկանում է Եվրոպական հարևանության քաղաքականության մասնակից երկրների հետ զարգացնել աշխատանքն էներգետիկ անվտանգության ոլորտում:
Հահնի առաջարկի հետ կապված՝ Կանիետեն հայտարարել է. «Կարծում եմ, որ ներկայումս մենք մատակարարումների անվտանգության հարցի հետ գործ ունենք ոչ միայն մեզ համար, այլև՝ մեր հարևան երկրների համար: Էներգետիկան պետք է ընդգրկվի ԵՄ-ի դիվանագիտական երկխոսությունում: Դա կլինի մշտական կետ՝ էներգետիկ դիվանագիտություն»:
