Պորոշենկոն ու Մերկելը քննարկել են Ռուսաստանի դեմ պատժամիջոցները շարունակելու հարցը
Ուկրաինական UNIAN լրատվական գործակալության փոխանցմամբ՝ Ուկրաինայի նախագահ Պյոտր Պորոշենկոն երեկ ուշ երեկոյան հեռախոսազրույց է ունեցել Գերմանիայի կանցլեր Անգելա Մերկելի հետ: Այս մասին հայտնել է Ուկրաինայի նախագահի մամլո ծառայությունը:
Պորոշենկոն Մերկելին իրազեկել է Դոնբասում տիրող իրավիճակի մասին: Նրանք քննարկել են Ռուսաստանի նկատմամբ հետագա պատժամիջոցներ սահմանելու հարցը, քանի դեռ ամբողջովին չեն կատարվել Մինսկյան պայմանավորվածությունները և մասնավորապես ռուս-ուկրաինական սահմանին վերահսկողության վերականգնումը:
Զրուցակիցները նաև ընդգծել են ԵԱՀԿ-ի դիտորդների թվաքանակի մեծացման անհրաժեշտությունը: Բացի այդ, քննարկվել է Ուկրաինայի նախագահի առաջիկա այցը Գերմանիա, որը տեղի է ունենալու մարտին:
