Թուրքիայի ռազմաօդային ուժերի հրամանատարը վաղը կժամանի Ադրբեջան
Ադրբեջանական APA լրատվական գործակալության փոխանցմամբ՝ Թուրքիայի ռազմաօդային ուժերի հրամանատար, բանակի գեներալ Աքըն Օզթուրքը պաշտոնական այցով վաղը ժամանելու է Ադրբեջան: Այս մասին հայտնել է Ադրբեջանի պաշտպանության նախարարության կայքը:
Այցի շրջանակներում Օզթուրքը մի շարք հանդիպումներ է ունենալու Ադրբեջանի ՊՆ-ում: Այցը կշարունակվի մինչև մարտի 6-ը: Ադրբեջանի ՊՆ-ը հայտնել է նաև Քոնիայում երկու երկրների ռազմաօդային ուժերի TurAz Şahini 2015 համատեղ զորավարժությունների սկսման մասին: Դրանք տևելու են մինչև ապրիլի 13-ը: